برنامج إدارة الإيجارات والمستأجرين في مصر
لو مكتبك بيأجّر أو بيدير شقق لملاك، فأكتر حاجة بتضيع وقتك هي متابعة الإيجار: مين دفع ومين اتأخر، وأنهي عقد قرب يخلص، والمالك بيتصل كل يوم يسأل. رابط CRM بيسجّل كل عقد إيجار بالمستأجر والمدة والقيمة، ويقسم الإيجار على دفعات بمواعيدها، ويفكّرك قبل كل دفعة بـ3 أيام وقبل نهاية العقد بـ90 و60 و30 يوم، ويدي كل مالك رابط يشوف منه وحداته وإيجاراته.
آخر تحديث:

بيعمل إيه
- عقد لكل وحدة: المالك والمستأجر، والبداية والنهاية، وقيمة الإيجار ومدة الدفع.
- الإيجار بيتقسم على دفعات بمواعيدها، وتعلّم كل دفعة اتدفعت.
- تذكير للموظف المسؤول قبل كل دفعة بـ3 أيام.
- تذكير قبل نهاية العقد بـ90 و60 و30 يوم، وتجديد بضغطة.
- الإيجار القصير (يومي أو أسبوعي) للشاليهات والشقق المفروشة بمراحل جاهزة.
المالك يشوف بنفسه
كل مالك بياخد رابط خاص من غير باسورد يشوف فيه وحداته وحالتها، وعدد المعاينات، والإيجار اللي اتحصّل واللي جاي. بيانات المستأجرين المحتملين والعملاء مابتظهرش له. ولو عايز رابط جديد، القديم بيتلغي.

مناسب لمين
- مكاتب العقارات اللي بتأجّر وبتدير شقق لملاك.
- شركات إدارة الأملاك والكمبوندات.
- مكاتب الساحل والعين السخنة اللي بتأجّر شاليهات.
اقرا كمان
CRM عقاري في مدن مصر
أسئلة شائعة
بيبعت تذكير للمستأجر نفسه؟
التذكير بيوصل للموظف المسؤول على البرنامج والموبايل، وهو اللي بيتواصل مع المستأجر من واتساب المكتب.
ينفع للإيجار الجديد والقديم؟
البرنامج بيسجّل أي عقد بقيمته ومدته ومواعيد دفعه؛ الشروط القانونية بتاعة كل نوع بيحددها العقد نفسه.
المالك يقدر يعدّل حاجة؟
لأ، الرابط للعرض بس، والمكتب هو اللي بيعدّل.